𝐁𝐚𝐰𝐢𝐡𝐭𝐞𝐢 𝐚 𝐫𝐚𝐰𝐧 𝐡𝐚𝐫𝐡 𝐭𝐚 !

 

Ka lawmna luipui angin a luang a,
Ka hlimna pawhin van a tawng hial si a,
Ka hmangaih, ka enchimloh chu,
A thla dáwn mang rama a chen hnuin,
Ṭawngṭaina chhangtu chung Pathian zarah,
Nung damin a rawh harh chhuak ta si a!
  
     Tukin zing dar 4:25 khân, khuma ka phone a rawn ri ta thut mai! Ka mut tui lai tak niin, phãk zetin ka harh a.

     Sana ka han en a, khawvel hahchawlh hun lai tak a ni si. Zualko em ni ang, nge ni a chanchin ṭha tiin phone chu ka chhang ta a.

     "Hello, Bawihte..." ti a min lo betu âw chu, ka âw hriat ṭhan leh ngainat êm êm, mahse kâr 2 chuang biak theih loha ICU lama hun hmangtu a ni si a!

     "Ka harh chiah a, phone ka lam a. Tichuan, ka rawn call nghal che. Eng hun nge tih pawh ka hre miah lo..." harsa ti tak, âw tham ṭuak, sehchilh nuaihin Bawihtei chuan min rawn be ta a nih kha!

     Min barakhaih chiang hle a, sawi mai tur pawh ka haihchham a. Ka lawm lutuk ka âw a lãwi zo a, ka mit ka khap per sáwk mai!

     "Bawihte, Pathianah beiseina nung ka nei tlat a. Min kalsan mai dâwn lo tih ka hre tlat a ni. Mahse, hetiang hi chuan ka awm leh duh tawh lo. Khawngaih takin, hetiang hian min awmtir tawh suh :'( " tiin ka chhang ta a.