𝐍𝐚 𝐬𝐚𝐭𝐥𝐢𝐚𝐡 𝐚 𝐧𝐢 𝐥𝐨, 𝐚 𝐧𝐚 𝐭𝐡𝐥𝐚𝐰𝐭 𝐚 𝐧𝐢 😭

 

     Rupee tluklehdingawn khat (1) nge i duh a, i hmangaih damna tiin duhthlanna ruamah ding ta ila, inngaihtuah buai hlek lovin ka chhanna turah ka chiang êm êm a ni.

      A natna pui ber an enkawlna damdawiin a taksa pengah hlêt a chhuah a. A khûp achin hnuai lam zawngin, nâ an hre lo a nih kha. He a natna hi permanent lo mah se, a dam har phian a. Super Specialist enkawlna hnuaiah, a ke dam nân injection lak a ngai ta.

      Phai damdawi in ṭhaah reng reng, a ruh langin engkim an sawi ṭhin a. Bawihtei pawh an jection-na tur hi, a nâ hle dâwn a ni awm e. A ke pahnihah vawi nga (5) ve ve jection tur niin, nizan khân a vawi khat nân an jection ta a.

      A nâ dâwn tia an sawi kha, an lo sawi nâ tâwk hlek lo a lo ni. An han jection ta chu, a taksa pumpui thlantuiin a bual huh vek a. A beng kâwm aṭangin thlantui a far zawih zawih thei hial a ni! 

     Ka ke hnuai tlak avanga ka ke an zai ṭuma a natzia, thlantuiin min bual zawih zawih lai ka hre chhuak a. A nat vanga thlantuiin taksa pum a bual huh zet hi zawng, a nâ thlawt a ni tawp!

     Ka thin a rim ngawih ngawih a. Bawihtei ka khawngaih lutuk, awm ngaihna reng ka hre lo. A ni (aunty) phei chuan en ngam lovin, mittui tla zawih zawih chungin a kalsan tawp! Mahse, a ṭe chhuak eih lo nia!

     Daktawr pawhin mak a ti thlawt a ni ang. "I ṭe chhuak lo thei kha a mak ngei mai!" a ti hial reng a. Aw, ka hmangaih ber natna hi a vaiin ka chungah tla se ka va ti tak êm! A natna phurh hi tlem tal phurh ṭhensak thei dâwn ila, eng pawh ka huam a ni si a.

      Hreawm hle mah se, beiseina nung nen van Pathian ka au a. Ka thinlung zawng zawng a hmaah ka leih bua a. Daniela'n sakeibaknei rilṭam lakah Pathian a ringin, Sadraka-te ṭhian thumin meipui kâr aṭangin Pathian an ring tlat a.

      Bawihtei pawhin he a natna khirhkhan tak aṭanga damna chang turin, Pathian a rinawm tih thua ka hnemna ngawt lo chu, kei hian ka hmangaih ber hnem dan dang ka hre thlawt lova ni. 😭

     Mahse, he thu hian Bawihtei a ti chakin, Amen nun a pe tih ka hmuhin, Pathian hnenah lawmthu ka sawi ta zawk a ni. Tunah pawh he khawvela ka hmangaih ber chu, an jection-na nâ lutuk vangin, na tuarin a awm mêk a ni si a. 😭

      Ṭhian duhtakte u, in thei a nih ngai chuan min lo ṭawngṭaipui ve dâwn nia aw 🙏