𝐀 𝐃𝐢𝐬𝐭𝐚𝐧𝐭 𝐌𝐞𝐦𝐨𝐢𝐫𝐬...

𝐁𝐮𝐥 ṭ𝐚𝐧𝐧𝐚 - A taksa pêng tinte chu an nâ êm êm vek a. A ruh chuktuahte chu chemte lu zum taka vih ang maiin, an nâ ngawih ngawih bawk. Khuma a mu amahin a inlet mai thei lo a, a chet hlek chuan inthlahrung takin ka beng hriatah, a awiah ṭhin :'( 

       Aplastic Anemia hi thisen natna hmuh tur awm lo a ni. Ruh ro hian thisen sen, thisen var leh platelet a siam tam thei tlat lo a ni. Bone marrow transplant tih a ngai a, mahse a hb a sâng thei si lo. A hnâr aṭangin thi satliah mai ni lo, a hlawmin thi hlang a rawn chhuak ṭhin a. A hnâr thi chhûng a va rei ṭhin êm :'( 

       Chutah, an damdawi chawhin hlet a chhuah a, a ke pahnih zawi vekin a kal thei lo zui! Chu mai a ni lo, hunbi neiin a khua an rawn sik ta tak tak mai a! Darkar 5 dâwnte a tlun ṭhin a, Bawihte i tawrh hi a va namailo tak êm :'( 

      Vawi tam Pathian hnenah a natna hi, ka chungah thlentir turin dilna ka thlen ṭhin a. Mahse, chhanna reng kan hmu ngai si lo! Min ngaia min thlakhlelh reng si avangin, a bik taka keyboard hman tur leiin min be ta ṭhin a!

    A chhan pawh, a hrawk a pingin a lei a chhah tlat a. Vawi tam a ṭawng chhuak thei lo tlat a ni. Chuvang chuan, text tala inbiak kan duhin kan inbe ṭhin a ni.

      Min biakna lamah a kut a thiin, a kut hmawrte lah a rawn dum zui leh zel a! Hmuh theih loh hmangaihna thahrui chakzia ka hmuh phah! A taksa nâ leh ngaihtuahna pik lutukte chu, min biak hi chuan lak kian vekin awm lo mah se, a tawrh nuam a ti ṭhin a nih kha.

      Hreawm ber mai chu, zan chaw ei kham aṭangin kan han inbia a. Inkhawm zante a nih loh chuan, mi biak peih chhûng a tân ka hun ka pe a. Mahse, zan dâr 12 a han pel a, zing lam dâr 2 a rik meuh chuan, keimah zawkin ka tlin tawh ṭhin lo. 

      A titi neuh neuh laite'n ka lo muhil a! Min han kai tho leh rih ṭhin. Zing dâr 2 aṭanga zing dâr 5 inkâra amah chauha mu thei lova a han awm ṭhin hi, ka khawngaihin ka lainat lutuk a! Mahse, ka taksain a tlin hlawl si lo.

      Ka mit hi ka khap per sáwk ṭhin a. Mu turin min thlem ngar ngar ṭhin a, a tawpa amah chauha hun hmang tura ka han mangṭha ṭhin zet kha chu, a aia hreawm tih ka la nei ngai lo. 

     Phone kal tlanga kan inbiaknq zawng zawng kan record vek a. FB Messenger, Whatsupp leh IG hmanga kan inbiakna zawng zawng pawh, pakhatmah kan thai reh phal lo. A lo dam huna a ngaihthlak atân leh, a chhiar ṭhin turin ka dah ṭha vek a ni.

      FB kal tlanga thu ka ziah ṭhin chhan pawh, nakina a lo harh huna a chhiar ṭhin tura ka tih vang a ni. Chuvangin, ka thu post lo ninga, kan dinhmun ngaihtuah miah lova min nuihzat a, fiamthu zawnga min lo laksaktu chuan, min unfriend loh pawhin keimahin ka ti zel tawh ang!