𝐍𝐚𝐮𝐩𝐚𝐧𝐠 𝐜𝐡𝐡𝐢𝐚 𝐦𝐢𝐧 𝐭𝐢 ṭ𝐡𝐢𝐧 𝐚 !

 

       "A châng chuan naupang chhe enin min en ṭhin. Eng vang nge?" tiin min zawt a.

     "A chhan chu maw Bawihte, i thil lawm zawng tak ka tihsak châng che hian, hmeichhe naupang thinlung thianghlim tak ang maiin, hlim takin i nui heuh heuh ṭhin a.

      I lungawi loh châng leh i rilru ka tihnat chângin, hmeichhe naupang duhawm tak ang maiin, miin lo hmu ta che se la engtin nge an ngaih ang che tih pawh ngaihtuah lovin i ṭapin i nuar ṭhin.

      Ka laka duh leh ngiat i neih châng hian, hmeichhe naupang ang maiin ti tau chungin luhlul i chhuah ṭhin a.

     Hmeichhe naupang ang maiin i thinlungin a vei zawng tak ka hnena i han sawi a, ka lo ngaihthla ṭha lo nia i hriat chuan, naupang ang maia duhawmin i thinrim tai tek ṭhin a ni.

      I duhawmzia leh hmel ṭha ka tihzia che, i mawizia leh ṭha ka tihzia ka han hrilh châng che hian, hmeichhe naupangin a lawm zawng tak a neih avanga thinlung taka a lawm ṭhin angin, hlim takin i awm ṭhin a nih hi.

      Bawihte, heng avangte hian a ni mipate hian kan hmangaih berte hi, naupang duhawm tak angin kan ena kan hmuh ṭhin ni" tiin ka chhang ta a.