𝐓𝐡𝐞 𝐟𝐚𝐢𝐫𝐞𝐬𝐭 𝐏𝐫𝐢𝐧𝐜𝐞𝐬𝐬 !

Nang paina chhul malsawmin awm rawh se,

Nang siamtu chî pawh chawimawiin awm se;
I tualchaina leilung mawina tipungtu,
Ka chhingmit vanneihna tinreng kawltu.

Duhawmna, zingţian mawinaa inthuam,
Hmuhnawm, zan thla êng duhawmna inbel;
Ngaihawm, tlai lenkâwl lunglênna inbel,
Thlakhlelhawm, romei zâm chiaitea thuam.

Pangpâr huana pâr tin lalnu duhawm,
Nalh sawi fiahna atâna mawi ngaihawm;
Duhawm chungchuanga laitual lêng mi u,
An piang lo'ng nang tluka duhawm lanu.

Van chuan a thianghlimnaa thuam chein,
Leilung chuan i mawina chawi sâng zelin;
Val lunglênna muthlu i kaihthawh hi,
I zûnin hrui ang mi phuar a lo ni.